FORSLAG TIL GJENNOMFØRING

Elevane blir introduserte for det å gi førstehjelp og korleis vi går fram i ein situasjon der det er menneske med tidskritisk sjukdom eller skade.

1. VIL VI HJELPE? Mange er usikre på kva dei skal gjere i ein situasjon der nokon treng livreddande førstehjelp. Nokon vil la vere å hjelpe i frykt for å gjere noko feil. Det kan vere fint å starte undervisninga med ein samtale der elevane diskuterer kva dei tenkjer om å gjere livreddande førstehjelp. Kan det vere situasjonar der dei vil kvi seg for å gi hjelp? Har nokon nokre røynsler med situasjonar der det har vore trong for å gi førstehjelp?
2. NÅR TRENGST DET Å GI LIVREDDANDE FØRSTEHJELP? Det er ikkje alltid enkelt å avgjere om nokon treng livreddande førstehjelp. Vis filmane og snakk med elevane om kva dei ser og tenkjer.
3. KVA GJER VI FØRST? Elevane skal gå ut ifrå at dei ser eit menneske som treng livreddande førstehjelp. Kva er det første dei gjer? Dei skal trekke pusten, prøve å vere rolege og hugse kva dei har lært.